sept 2014 part 1
Ang gugma kang pamatan-un
Daw tinig-ang.
Samtang ginasun-ad,
Amo man ang pag-indakal.
Kon kidit ang tughong nga tubig,
Nagalungaug.
Kon ginapabay-an,
Nagasunog.
Ang gugma kang pamatan-un
Daw bag-ong bahit nga tinig-ang.
Samtang mainit-init
Amo man ang paggarut ka hungit.
Kon garut ang bukod,
Ginadunlan.
Kon may itip,
Nagaraginit.
Ang gugma kang pamatan-un
Daw kapug.
Hay nagbaskug, ginhal-id sa binit.
Pirit nga ginabalik ang pagtamud
Paagi sa kalo-kalo nga awut.
Piro bisan anuhon pa
Indi run manumbalik ang naandan.
Mangita gid ka bag-ong bahit nga tinig-ang,
Malum-uk, mahamot, mainit-init.
Bạn đang đọc truyện trên: Truyen3h.Co