Part 1
#unicode
ခေါင်းထဲ ဘာအတွေးမှ မရှိတော့ဘဲ ဗလာဘဲ ကျန်ရှိနေတဲ့ Winter တစ်ယောက် သူ့လက်မှာ ပတ်ထားတဲ့ လက်ပတ်နာရီကို စိုက်ကြည့်နေမိသည်
နာရီလက်တံရှည်က ၁၂ကို ရောက်ဖို့ စက္ကန့်အနည်းငယ်သာ လိုတော့တယ်
မိနစ်အနည်းငယ်ရောက်ရင် သူ့ဂျူတီ ဆင်းရမယ့်အချိန် ရောက်တော့မယ်လေ .
Winter Kim...Synk အထွေထွေဆေးရုံမှာ အာရုံကြော ခွဲစိတ်ဆရာဝန်ဖြစ်ဖို့ အလားအလာရှိတဲ့ လူငယ်ဆရာဝန်တစ်ယောက်ပါ
လတ်တလောတော့ အသေးစားခွဲစိတ်မှုလေးတွေ လုပ်နေရသည်
မနက် သုံးနာရီကတည်းက အရေးပေါ်ခွဲစိတ်မှု သုံးခုရောက်လာလို့ Winter တစ်မနက်လုံး မအိပ်ရသေး ခွဲစိတ်ခန်းထဲ အချိန်ကုန်နေရသည်
ခွဲစိတ်မှုတွေအားလုံးပြီးမှ သက်ပြင်းချပြီး အဝတ်အစားလဲကာ အိမ်ပြန်ချိန်ကို စောင့်နေရတယ်
နောက်ဆုံး အိမ်ပြန်ချိန်ရောက်တော့ Winter သူနာပြုတွေနဲ့ ဆရာဝန်တွေကို နှုတ်ဆက်ပြီး ဆေးရုံကနေထွက်လာတယ်
ကားပေါ်မတက်ခင် ဆေးရုံရှေ့က ကော်ဖီစက်ရှေ့ရပ်ပြီး ကော်ဖီဝယ်သောက်လိုက်သေးသည်
"Damn it ကော်ဖီသောက်ထားတာတောင် ငိုက်ချင်နေသေးတယ် "
တဖြည်းဖြည်း မှေးစင်းလာတဲ့ မျက်လုံးကြောင့် Winter ကားမောင်းဖို့ ခက်လာတယ်
မအိပ်ချင်အောင် သူ့ပေါင်ကို သူဆွဲလိမ်ပြီး ကားကို အားတင်းကာ မောင်းနေစဥ် ရုတ်တရက် မျက်လုံးမှိတ်မိသွားသည်
ဒုန်း.....
မြည်သံနဲ့အတူ Winter မျက်လုံးပွင့်လာသည်
တစ်စုံတစ်ခုကို သူတိုက်မိပြီဆိုတာ ခံစားမိတယ်လေ
မြန်မြန်ဘဲ ခါးပတ်ချွတ်ပြီး ကားပေါ်က ပြေးဆင်းလိုက်သည်
မြေကြီးပေါ် လဲကျနေတဲ့ လူတစ်ယောက်ကို ကြည့်ပြီး Winter ရင်တွေ တုန်လာတယ်
"ချီးဘဲဟေ့ "
ကားနဲ့တိုက်မိတဲ့ ကောင်မလေးမှာ လဲကျရာကနေ ကြိုးစားထလာသည်
ထိုအခါမှ သူ ကားနဲ့တိုက်မိတာ အမျိုးသမီးမှန်း Winter သိသွားတယ် ထိုအမျိုးသမီးမှာလည်း ထိခိုက်ဒဏ်ရာ သွေးထွက်မှုရှိနေတာတွေ မပေါ်ပေ
"Hey hey ဂရု..."
Winter စကားမဆုံးသေး ထိုမိန်းကလေးမှာ Winter ကိုယ်ပေါ်လဲကျလာသည်
Winterလည်း သက်ပြင်းချပြီး ထိုမိန်းကလေးကို ပွေ့ချီကာ ကားထဲသို့ ထည့်လိုက်တယ်
အပေါ်ယံစစ်ဆေးကြည့်တော့ ဘာထိခိုက်မှုမှာမရှိတာကို Winter တွေ့ရသည်
သို့သော်လည်း အတွင်းဒဏ်တွေဘာတွေရှိနေမလား Winter စိတ်ပူမိသေးသည်
ညဆယ်နာရီကျော် ဖြစ်နေသည့်အပြင် ဆေးရုံနဲ့လည်းလမ်းက ဝေးနေပြီမို့ ရွေးချယ်စရာမရှိတာနဲ့ သတိမေ့နေသည့် မိန်းကလေးကို သူ့အိမ်သို့ Winter ခေါ်လာရတော့သည်
အိမ်သို့ရောက်သောအခါ ထိုမိန်းကလေးကို ဆိုဖာပေါ်သို့ Winter တင်လိုက်သည်
ထို့နောက် Winter တစ်ကိုယ်လုံးညောင်းကိုက်လာသည်မို့ အကြောဆန့်လိုက်ရင်း ညည်းတွားလိုက်သည်
"ဘယ်လို မိန်းကလေးရယ်မသိ ခေါ်နှိုးမရ ရိုက်နှိုးမရနဲ့ "
Winter သက်ပြင်းချပြီး ဆိုဖာဘေးနားထိုင်ချလိုက်တယ်
ခွဲစိတ်မှုတွေ နင်းကန်လုပ်ရပြီး နားရက်လေးနှစ်ရက် ရပါမယ်ရှိသေး အခု လူတစ်ယောက်ကို ကားနဲ့ဝင်တိုက်လာတယ်လေ ကောင်းလိုက်တဲ့ ကံဇာတာဘဲ
*****
တစ်စုံတစ်ယောက်က သူ့ကို စိုက်ကြည့်နေသလို ခံစားရလို့ Winter နှိုးလာတယ်
ပင်ပန်းပြီး အိပ်ပျော်သွားတာဘဲ....
"နင် ဘယ်သူလဲ "
ရုတ်တရက် မေးလိုက်တဲ့မေးခွန်းကြောင့် Winter အိပ်ချင်မူးတူးဖြစ်ရာက မျက်မှောင်ကြုတ်မိသွားတယ်
အာ....သူက ငါ ကားနဲ့တိုက်မိတဲ့တစ်ယောက်ဘဲ
"ရှင် သတိရလာပြီလား "
Winter မေးပြီး ထရပ်လိုက်သည်
ဆိုဖာပေါ်က မိန်းကလေးကတော့ Winter လှုပ်ရှားမှုတွေကို လိုက်ကြည့်နေသည်
"နင် ဘယ်သူလဲလို့ "
"အာ...ကျွန်မ နာမည်က Winter ပါ မနေ့ညက ကျွန်မ ရှင့်ကို ကားနဲ့ဝင်တိုက်ခဲ့မိတယ် အဲ့အတွက်ကြောင့် တောင်းပန်ပါတယ် အခု ရှင် ရောက်နေတာ ကျွန်မရဲ့ အိမ်ပါ ...ဟိုလေ ရှင် ဘယ်လိုနေသေးလဲဟင် နာတဲ့နေရာတွေရှိသေးလား "
"သြော် မနေ့ညက တို့ ပြုတ်ကျခဲ့တဲ့ မော်တော်ယာဥ်က မင်းရဲ့ကားပေါ့ "
"ရှင် ပြုတ်ကျတာ ဘယ်လိုကြီးလဲ.... "
"မနေ့ညက သစ်ပင်ပေါ်မှာ တို့တပည့်နဲ့ စကားပြောနေတုံး တစ်ခုခုဖြစ်ပြီး ပြုတ်ကျခဲ့တာ "
Winterမှာ သူကြားလိုက်ရတဲ့ စကားတွေကြောင့် ကြောင်တောင်တောင်ဖြစ်နေတယ်
"အာ.... ရှင့်ကြည့်ရတာ ထင်ယောင်ထင်မှားဖြစ်နေတာ ထင်တယ် ခဏ နားလိုက်ပါအုံးလား လာ ကျွန်မ ရှင့်ကို စစ်ပေးမယ် "
Winter ပြောပြီး သူ့အခန်းထဲ ဝင်သွားတယ် ခဏကြာတော့ ဆေးအိတ်နဲ့ ပြန်ထွက်လာသည်
"တို့လိုမသေမျိုးအတွက် ဆေးကုသတာ ဘာညာ မလိုပါဘူး "
"သေချာပေါက်လိုတာပေါ့ ရှင် ခေါင်းထိသွားတာနေမယ် "
"ကျစ် မသေမျိုးပါဆို "
"ကျွန်မက ဆရာဝန်ပါ "
"Ok ငါက နတ်ဆိုး ငါ့နာမည်က Karina ငါ့အဖေက နတ်ဆိုးဘုရင် "
"ကိုင်း... ဟုတ်ပါပြီ နတ်ဆိုးမင်းသမီးရယ် "
"တို့ပြောတဲ့စကား နားလည်တယ် မဟုတ်လား "
"နားလည်ပါသတဲ့ရှင် "
Winterလည်း Karinaကို ရူးနေတယ်ထင်ပြီး အလိုက်အထိုက်ပြန်ပြောဖို့ ဆုံးဖြတ်လိုက်တယ်
"ကဲ ဒီတော့ နတ်ဆိုးတွေကရော ဗိုက်ဆာတတ်လား "
Karinaကို ဆေးရုံမပို့ခင်ထိ Winter မှာ အလိုက်အထိုက်ပြန်ပြောနေသည်
"ဆာတတ်တာတော့မရှိပါဘူး ဒါပေမယ့် လူတွေစားတဲ့အရာတွေ စားတတ်ပါတယ် "
နတ်ဆိုးက ဗိုက်မဆာပေမယ့် Winter ကတော့ တော်တော်ဗိုက်ဆာနေပြီလေ
"ဒီတော့ Karinaနော် ဟုတ်တယ်မလား ကြက်ဥနဲ့ဘေကွန်ဆိုရင်ရော အဆင်ပြေလား "
Winterက မေးတော့ Karinaက ခေါင်းညိတ်ပြသည်
Winterလည်း Ok signပြပြီး မီးဖိုခန်းထဲ ဝင်ကာ အစားအသောက် ပြင်ဆင်လိုက်တော့သည်
Karinaကတော့ ချက်ပြုတ်ပြင်ဆင်နေတဲ့ Winter ကို ငေးကြည့်နေသည်
#tbc
#zawgyi
ေခါင္းထဲ ဘာအေတြးမွ မရွိေတာ့ဘဲ ဗလာဘဲ က်န္ရွိေနတဲ့ Winter တစ္ေယာက္ သူ႕လက္မွာ ပတ္ထားတဲ့ လက္ပတ္နာရီကို စိုက္ၾကည့္ေနမိသည္
နာရီလက္တံရွည္က ၁၂ကို ေရာက္ဖို႔ စကၠန့္အနည္းငယ္သာ လိုေတာ့တယ္
မိနစ္အနည္းငယ္ေရာက္ရင္ သူ႕ဂ်ဴတီ ဆင္းရမယ့္အခ်ိန္ ေရာက္ေတာ့မယ္ေလ .
Winter Kim...Synk အေထြေထြေဆး႐ုံမွာ အာ႐ုံေၾကာ ခြဲစိတ္ဆရာဝန္ျဖစ္ဖို႔ အလားအလာရွိတဲ့ လူငယ္ဆရာဝန္တစ္ေယာက္ပါ
လတ္တေလာေတာ့ အေသးစားခြဲစိတ္မႈေလးေတြ လုပ္ေနရသည္
မနက္ သုံးနာရီကတည္းက အေရးေပၚခြဲစိတ္မႈ သုံးခုေရာက္လာလို႔ Winter တစ္မနက္လုံး မအိပ္ရေသး ခြဲစိတ္ခန္းထဲ အခ်ိန္ကုန္ေနရသည္
ခြဲစိတ္မႈေတြအားလုံးၿပီးမွ သက္ျပင္းခ်ၿပီး အဝတ္အစားလဲကာ အိမ္ျပန္ခ်ိန္ကို ေစာင့္ေနရတယ္
ေနာက္ဆုံး အိမ္ျပန္ခ်ိန္ေရာက္ေတာ့ Winter သူနာျပဳေတြနဲ႕ ဆရာဝန္ေတြကို ႏႈတ္ဆက္ၿပီး ေဆး႐ုံကေနထြက္လာတယ္
ကားေပၚမတက္ခင္ ေဆး႐ုံေရွ႕က ေကာ္ဖီစက္ေရွ႕ရပ္ၿပီး ေကာ္ဖီဝယ္ေသာက္လိုက္ေသးသည္
"Damn it ေကာ္ဖီေသာက္ထားတာေတာင္ ငိုက္ခ်င္ေနေသးတယ္ "
တျဖည္းျဖည္း ေမွးစင္းလာတဲ့ မ်က္လုံးေၾကာင့္ Winter ကားေမာင္းဖို႔ ခက္လာတယ္
မအိပ္ခ်င္ေအာင္ သူ႕ေပါင္ကို သူဆြဲလိမ္ၿပီး ကားကို အားတင္းကာ ေမာင္းေနစဥ္ ႐ုတ္တရက္ မ်က္လုံးမွိတ္မိသြားသည္
ဒုန္း.....
ျမည္သံနဲ႕အတူ Winter မ်က္လုံးပြင့္လာသည္
တစ္စုံတစ္ခုကို သူတိုက္မိၿပီဆိုတာ ခံစားမိတယ္ေလ
ျမန္ျမန္ဘဲ ခါးပတ္ခြၽတ္ၿပီး ကားေပၚက ေျပးဆင္းလိုက္သည္
ေျမႀကီးေပၚ လဲက်ေနတဲ့ လူတစ္ေယာက္ကို ၾကည့္ၿပီး Winter ရင္ေတြ တုန္လာတယ္
"ခ်ီးဘဲေဟ့ "
ကားနဲ႕တိုက္မိတဲ့ ေကာင္မေလးမွာ လဲက်ရာကေန ႀကိဳးစားထလာသည္
ထိုအခါမွ သူ ကားနဲ႕တိုက္မိတာ အမ်ိဳးသမီးမွန္း Winter သိသြားတယ္ ထိုအမ်ိဳးသမီးမွာလည္း ထိခိုက္ဒဏ္ရာ ေသြးထြက္မႈရွိေနတာေတြ မေပၚေပ
"Hey hey ဂ႐ု..."
Winter စကားမဆုံးေသး ထိုမိန္းကေလးမွာ Winter ကိုယ္ေပၚလဲက်လာသည္
Winterလည္း သက္ျပင္းခ်ၿပီး ထိုမိန္းကေလးကို ေပြ႕ခ်ီကာ ကားထဲသို႔ ထည့္လိုက္တယ္
အေပၚယံစစ္ေဆးၾကည့္ေတာ့ ဘာထိခိုက္မႈမွာမရွိတာကို Winter ေတြ႕ရသည္
သို႔ေသာ္လည္း အတြင္းဒဏ္ေတြဘာေတြရွိေနမလား Winter စိတ္ပူမိေသးသည္
ညဆယ္နာရီေက်ာ္ ျဖစ္ေနသည့္အျပင္ ေဆး႐ုံနဲ႕လည္းလမ္းက ေဝးေနၿပီမို႔ ေ႐ြးခ်ယ္စရာမရွိတာနဲ႕ သတိေမ့ေနသည့္ မိန္းကေလးကို သူ႕အိမ္သို႔ Winter ေခၚလာရေတာ့သည္
အိမ္သို႔ေရာက္ေသာအခါ ထိုမိန္းကေလးကို ဆိုဖာေပၚသို႔ Winter တင္လိုက္သည္
ထို႔ေနာက္ Winter တစ္ကိုယ္လုံးေညာင္းကိုက္လာသည္မို႔ အေၾကာဆန့္လိုက္ရင္း ညည္းတြားလိုက္သည္
"ဘယ္လို မိန္းကေလးရယ္မသိ ေခၚႏွိုးမရ ရိုက္ႏွိုးမရနဲ႕ "
Winter သက္ျပင္းခ်ၿပီး ဆိုဖာေဘးနားထိုင္ခ်လိဳက္တယ္
ခြဲစိတ္မႈေတြ နင္းကန္လုပ္ရၿပီး နားရက္ေလးႏွစ္ရက္ ရပါမယ္ရွိေသး အခု လူတစ္ေယာက္ကို ကားနဲ႕ဝင္တိုက္လာတယ္ေလ ေကာင္းလိုက္တဲ့ ကံဇာတာဘဲ
*****
တစ္စုံတစ္ေယာက္က သူ႕ကို စိုက္ၾကည့္ေနသလို ခံစားရလို႔ Winter ႏွိုးလာတယ္
ပင္ပန္းၿပီး အိပ္ေပ်ာ္သြားတာဘဲ....
"နင္ ဘယ္သူလဲ "
႐ုတ္တရက္ ေမးလိုက္တဲ့ေမးခြန္းေၾကာင့္ Winter အိပ္ခ်င္မူးတူးျဖစ္ရာက မ်က္ေမွာင္ၾကဳတ္မိသြားတယ္
အာ....သူက ငါ ကားနဲ႕တိုက္မိတဲ့တစ္ေယာက္ဘဲ
"ရွင္ သတိရလာၿပီလား "
Winter ေမးၿပီး ထရပ္လိုက္သည္
ဆိုဖာေပၚက မိန္းကေလးကေတာ့ Winter လႈပ္ရွားမႈေတြကို လိုက္ၾကည့္ေနသည္
"နင္ ဘယ္သူလဲလို႔ "
"အာ...ကြၽန္မ နာမည္က Winter ပါ မေန႕ညက ကြၽန္မ ရွင့္ကို ကားနဲ႕ဝင္တိုက္ခဲ့မိတယ္ အဲ့အတြက္ေၾကာင့္ ေတာင္းပန္ပါတယ္ အခု ရွင္ ေရာက္ေနတာ ကြၽန္မရဲ႕ အိမ္ပါ ...ဟိုေလ ရွင္ ဘယ္လိုေနေသးလဲဟင္ နာတဲ့ေနရာေတြရွိေသးလား "
"ေၾသာ္ မေန႕ညက တို႔ ျပဳတ္က်ခဲ့တဲ့ ေမာ္ေတာ္ယာဥ္က မင္းရဲ႕ကားေပါ့ "
"ရွင္ ျပဳတ္က်တာ ဘယ္လိုႀကီးလဲ.... "
"မေန႕ညက သစ္ပင္ေပၚမွာ တို႔တပည့္နဲ႕ စကားေျပာေနတုံး တစ္ခုခုျဖစ္ၿပီး ျပဳတ္က်ခဲ့တာ "
Winterမွာ သူၾကားလိုက္ရတဲ့ စကားေတြေၾကာင့္ ေၾကာင္ေတာင္ေတာင္ျဖစ္ေနတယ္
"အာ.... ရွင့္ၾကည့္ရတာ ထင္ေယာင္ထင္မွားျဖစ္ေနတာ ထင္တယ္ ခဏ နားလိုက္ပါအုံးလား လာ ကြၽန္မ ရွင့္ကို စစ္ေပးမယ္ "
Winter ေျပာၿပီး သူ႕အခန္းထဲ ဝင္သြားတယ္ ခဏၾကာေတာ့ ေဆးအိတ္နဲ႕ ျပန္ထြက္လာသည္
"တို႔လိုမေသမ်ိဳးအတြက္ ေဆးကုသတာ ဘာညာ မလိုပါဘူး "
"ေသခ်ာေပါက္လိုတာေပါ့ ရွင္ ေခါင္းထိသြားတာေနမယ္ "
"က်စ္ မေသမ်ိဳးပါဆို "
"ကြၽန္မက ဆရာဝန္ပါ "
"Ok ငါက နတ္ဆိုး ငါ့နာမည္က Karina ငါ့အေဖက နတ္ဆိုးဘုရင္ "
"ကိုင္း... ဟုတ္ပါၿပီ နတ္ဆိုးမင္းသမီးရယ္ "
"တို႔ေျပာတဲ့စကား နားလည္တယ္ မဟုတ္လား "
"နားလည္ပါသတဲ့ရွင္ "
Winterလည္း Karinaကို ႐ူးေနတယ္ထင္ၿပီး အလိုက္အထိုက္ျပန္ေျပာဖို႔ ဆုံးျဖတ္လိုက္တယ္
"ကဲ ဒီေတာ့ နတ္ဆိုးေတြကေရာ ဗိုက္ဆာတတ္လား "
Karinaကို ေဆး႐ုံမပို႔ခင္ထိ Winter မွာ အလိုက္အထိုက္ျပန္ေျပာေနသည္
"ဆာတတ္တာေတာ့မရွိပါဘူး ဒါေပမယ့္ လူေတြစားတဲ့အရာေတြ စားတတ္ပါတယ္ "
နတ္ဆိုးက ဗိုက္မဆာေပမယ့္ Winter ကေတာ့ ေတာ္ေတာ္ဗိုက္ဆာေနၿပီေလ
"ဒီေတာ့ Karinaေနာ္ ဟုတ္တယ္မလား ၾကက္ဥနဲ႕ေဘကြန္ဆိုရင္ေရာ အဆင္ေျပလား "
Winterက ေမးေတာ့ Karinaက ေခါင္းညိတ္ျပသည္
Winterလည္း Ok signျပၿပီး မီးဖိုခန္းထဲ ဝင္ကာ အစားအေသာက္ ျပင္ဆင္လိုက္ေတာ့သည္
Karinaကေတာ့ ခ်က္ျပဳတ္ျပင္ဆင္ေနတဲ့ Winter ကို ေငးၾကည့္ေနသည္
#tbc
Bạn đang đọc truyện trên: Truyen3h.Co